Erregulazio espedientea bertan behera uztea eskatu dute XPO Transporteko langileek
Oiartzungo lantegiko hamahiru langile kaleratu nahi ditu multinazionalak erregulazio espedientearekin lotuta.
XPO Transport lantegiko beharginen elkarretaratzea gaur goizean.ELA sindikatua Kaleratzeak eta Enplegu Erregulazio Espedientea bertan behera uzteko eskatu diote XPO Transpor Solutions Spain enpresari Oiartzungo lantegiko beharginek. Errepideko merkantzien garraioaren sektoreko multinazionalak 217 langile kaleratzeko enplegu erregulazio espedientea aurkeztu du. Horietatik hamahiru langile, Oiartzungo lantegitik kaleratzea proposatu du.
Oiartzungo lantegian 75 langile ari dira, eta ondoko enpresa batzordeak ordezkatzen ditu: ELAko lau ordezkari, CCOOko hiru, LABeko 1, eta UGTko 1.
Lanbarren poligonoan kokatutako lantokiaren aurrean protesta egin dute gaur langileek, enplegu erregulazio espedientea bertan behera uztea eskatzeko. ELA sindikatuak azaldu duenez, plantilla etengabe murrizten ari dira Oiartzungo lantegian, “hiru urtean 117 pertsonako plantillatik 75ekora pasa dira. Ez dago egungo plantilla urria murriztea justifika dezakeen antolaketa edo ekoizpen arrazoirik”.
Eskaera zehatza egin diote enpresa zuzendaritzari: Oiartzungo lantokian kaleratzerik ez egiteko, eta gainera, gaur egun bertan diren lanpostuak bermatzeko segurtasun plan bat egitea.
