Udalaren lan eskaintzari jarritako helegitearen atzean talde antolatu bat dago
'Argia'-k ikerketa egin du eta agerian jarri Errenteriako Udalaren Lan Eskaintza Publikoaren hizkuntz eskakizunaren kontra jarritako helegitearen atzean, euskararen aurkako talde antolatu bat dagoela.
Ortzadar bandera udaletxeko balkoian artxiboko irudi batean. Euskararen kontrako oldarraldia Errenteriako Udalera heldu da. Lan Eskaintza Publikoa deitu zuen erakunde horrek 25 administrari lanpostu betetzeko. Hilaren 2an, baina, hautaketa prozesua eteteko erabakia hartu zuen alkatearen dekretu bidez, herritar batek Lan Eskaintza Publiko horretan eskatzen zen hizkuntz eskakizunen kontra aurkeztutako helegiteagatik.
Ikerketa sakona egin du Argia-k, argigarria oso eta ezinbestekoa, probatu baitu helegite horren atzean euskararen kontrako talde antolatu bat dagoela, eta ez herritar bat. Zehazki, Osakidetzan 2024ko azaroan hainbat langilek osatutako Grupo Unid@s por una Exención Linguistica Real. 2025eko ekainetik Hiztunen Berdintasunaren Alde-Unidas por la Igualdad Linguistica plataforma dira. Zigor Olabarria Oleaga Argia-ko kazetariak sinatutako ikerketa erreportajean, helegitea aurkeztu duen herritarra talde horretako kidea dela, eta Osakidetzan plaza finkoa duela jarri du agerian. Baita ere, enpleguan interesik izan gabe Errenteriako Udalaren LEPari helegiteak aurkezteko prest zeuden pertsonak bilatzen aritu zela plataforma, horiek bideratzeko doako abokatua eskainita.
Argitaratutako informazioa baieztatzen duten entzunezko eta idatzizko mezuak bildu ditu ikerketara Olabarriak. Argia-k gaur bertan zabaldu duen ikerketa lana irakurtzeko, klik egin hemen.
