Truk txapelketa egingo du larunbatean Ibargain elkarteak
50. urteurrena ospatzen ari da Ibargain elkartea, eta horretarako zenbait jarduera antolatu ditu. Horietako bat da hilaren 21eko Truk txapelketa.
Oiartzungo Ibargain elkarteak 50 urte bete ditu 2026 honetan, eta ez denez, inondik inora, zifra makala, zenbait jarduera egin nahi dituzte hori ospatzeko. Honezkero zenbait ekitaldi zerrendatu dituzte, eta oraintsu hilaren 21eko jardueraren berri eman dute: Truk txapelketa.
Arratsaldeko lauetan hasiko da hitzordua, eta izen emateak hamabost euro balio ditu. Gehienez 34 bikotek eman ahal izango dute izena, eta sariak egongo dira lehen lau sailkatuentzat zein bigarren aukeran sailkatuko diren bi bikoteentzat.
Truk txapelketako sariak
- Lehenengo postua
- Arkumea, bi ardo botila eta bi cava botila
- Bigarren postua
- Bi txuleta eta bi ardo botila
- Hirugarren postua
- Bi oilasko eta bi ardo botila
- Laugarren postua
- Barkaiztegiko bi sorta
- Bigarren errondako lehen saritua
- Bi oilasko eta bi ardo botila
- Bigarren errondako bigarren saritua
- Barkaiztegiko bi sorta
Erlazionatutako edukiaIbargainen 50. urteurrena ospatzeko, jarduerak datozen hiletan
