Pasaiako sarraskia iker dadila eskatuko dute beste behin
Pasaiako Sarraskia Argitu taldeak ekitaldia antolatu du iganderako. Sarraskiaren 42. urteurrena beteko da etzi.
Sarraskia izan zen tokiko oroigarria. Igandean, hilaren 22an, beteko dira 42 urte Espainiako Poliziak Komando Autonomo Antikapitalistetako lau kide hil zituela Donibanen. Pasaiako Sarraskia izan zen hura. Dioni Aizpuru Kurro eta Pedro Mari Isart Pelitxo azpeitiarrak eta Jose Mari Izura Pelu eta Rafael Delas Txapas iruindarrak fusilatu zituzten Alabortzarako bidean. Urteurrenaren harira, Pasaiako Sarraskia Argitu taldeak ekitaldia antolatu du egun horretarako Azpeitiko Azoka Plazan, 12:30ean.
Beste urte batez egina, erreparazioa eta justizia eskatuko dituzte taldekideek, eta bide horretan, sarraskia iker dadila galdegingo dute.
Egun eta herri berean, baina 13:30ean, Urola Erdiko Kontseilu Sozialistak sarraskiari lotutako ekitaldia antolatu du, Esklabetako Zentro Sozialistan, Oroimena borroka eraiki lelopean.
