Zerbitzu saila bisitatu dute herriko ikasleek
Eskubidean planaren baitan, Pasaiako ikastetxeetako LH5. mailako ikasleak Zerbitzu sailean izan dira. Pasaia garbi, jasangarri eta bizigarri bat nola mantentzen den ikasi dute.
Eskubidean planaren baitan, Pasaiako ikastetxeetako LH5. mailako ikasleek bisita egin dute Pasaiako Udaleko Zerbitzu sailaren Donibaneko pabiloira. Ohi bezala, bi txandatan egin dituzte bisitak: hilaren 24an Karmengo Amako ikasleak bertaratu ziren, eta 26an, Pasaia-Lezo Lizeokoak.
Haurrek Zerbitzuen saila eta bertako langileak ezagutu dituzte eta Pasaia garbi, jasangarri eta bizigarri bat nola mantentzen den ikasi dute. Udal langileek, eraikinean prestatutako txokoen bidez, haurrek Pasaiako kaleetan egunero egiten diren lanak ezagutu dituzte eta erabiltzen dituzten erremintak probatzeko aukera izan dute: kale garbiketa, zaborraren kudeaketa, konponketak, argiteria, ur hornidura edota lorezaintza.
