Kalistenia egiteko pista berria izango du Fanderiak
Datorren astean hasiko ditu lanak udalak. 180 metro kuadroko azalera izango du pista horrek.
Kalistenia pista berria izango den eremua.Herri Bizia Kalistenia pista berria izango du Errenteria-Oreretak. Izan ere, datorren astean hasiko ditu lanak udalak kirol horri begirako espazioa ontzeko Fanderia auzoan. 180 metro koadroko eremuan hainbat elementuz osatutako espazioa sortuko du. Elementu horiek, ondokoak: barra hirukoitz paraleloak, altxatze eta menderatze ariketak egiteko egitura hexagonal bat, abdominalen bankua, estepak, barra eta eskailerekin altuera ezberdinetan konbinatutako egitura bat eta bi TRK eraztun parez osatutako esekidurako elementu bat.
Gainera kalistenia pista berriak bizikleta aparkalekuak eta inpaktuen aurkako zoladura duen segurtasun eremua izango ditu.
Udalak 77.500 euroko inbertsioa aurreikusi du lan horietarako, eta lanak astelehenean, hilak 13, hasiko ditu; bost aste irautea aurreikusi du.
