Banderak binaka Gipuzkoako Trainerilla Ligan
Herrialdeko ligako bi jardunaldi jokatu dira asteburuan. San Juanek, Hibaikak eta San Pedrok binaka irabazi dituzte estropadak.
Gipuzkoako Trainerilla Ligako laugarren eta bosgarren jardunaldiko estropadak jokatu ziren larunbatean Orion, eta igandean Mutrikun. Maiatzaren Lehenean hirugarren jardunaldia zen jokatzekoa (Donostian), baina bertan behera utzi zuten arazo teknikoengatik. Garaipenez betetako bi egun izan ziren, San Juanek, Hibaikak eta San Pedrok binaka irabazi dituztelako banderak.
Larunbatekoak
Larunbatean, Oriokoan San Pedro kadete mutiletan irabazle izan zen, Hibaika bigarren, eta San Juan hirugarren. Nesketan, berriz, San Juan bigarren postuarekin konformatu behar izan zen, Mutrikuren atzetik sailkatu baitzen. Bederatzigarren izan zen Hibaika
Emakumeen Gazte Mailan, berriz, bandera Hibaika Ak eskuratu zuen, atzetik San Juan eta Hibaika B izan zituela. Gizonetan, San Juan A eta B lehen biak izan ziren, eta hirugarren San Pedro.
Seniorretan, emakumeetan, San Juan Bk erraz irabazi zuen, eta arrosen A ontzia hirugarren izan zen. Senior gizonetan, berriz, San Juanentzako podiumeko hirugarren koska, eta Hondarribiarentzat bosgarrena.
Larunbateko estropadako emaitza zehatzak eskuratzeko baliatu esteka hau.
Igandekoak
Igandean Mutrikuk jaso zituen estropaden emaitzak larunbatekoenak oso antzekoak izan ziren. Ez zen alde nabarmenik izan azken emaitzetan.
Kadeteetan, nesketan, San Juan bigarren eta Hibaika bederatzigarren larunbatean bezala, eta Mutriku onena. Mutiletan eskema oso antzekoa: San Pedrorentzat bandera, bigarren Hibaika, eta laugarren San Juan.
Gazte Mailako nesken estropadan Hibaika A izan zen nagusi asteburuan bigarrenez; San Juan eta Hibaika B izan zituen segidan. Jubeniletan, mutiletan, San Juanentzat asteburuko bigarren bandera, San Pedro bigarren, eta San Juan B hirugarren.
Seniorretan, sanjuandarrak berriz ere garaile nesken kategorian B ontziarekin, eta A trainerilla seigarren izan zen. Gizonetan, Hondarribia bigarren eta San Juan bosgarren.
Igandeko estropadetako emaitza zehatzak eskuratzeko baliatu esteka hau.
Aurrera begira
Gipuzkoako Trainerilla Ligako seigarren eta azken jardunaldia Hondarribian jokatuko da hilaren 9an (larunbatean), 16:30etik aurrera. Estropada hori, hurrengo egunean (maiatzaren 10ean) Mutrikun izango den Gipuzkoako Txapelketarako sailkapen estropada funtzioa beteko du aldi berean.
Horren ondoren, Euskadiko txapelketak izango dira hilaren 16-17ko asteburuan Legution (Araba).
