Fanderiako errotan tailerra eta bisita gidatuak
Asteburuan errota martxan ikusteko aukera izango da eta familiei begirako tailerra, larunbatean.
Fanderiako Errotaren barrualdea. Fanderiako Errotak ateak zabalduko ditu barrutik ezagutzeko asteburuan. Hileko bigarren asteburuetan jartzen dute martxan hura bisitatu nahi dutenentzat. Larunbatean 11:30etik 14:00etara izango da zabali, eta igandean, 10:30etik 14:00etara. Bere historia ezagutu, martxan ikusi eta ibaiak duen garrantzia ezagutzeko aukera izango dute bertaratzen direnek.
Larunbatean gainera errotak egiteko tailerra antolatu dute familiei begira. Doakoa izango da tailerra, baina izena eman behar da aurrez. Horretarako, 690 72 02 64 edo 943 49 45 21 telefono zenbakietara deitu behar da. Tailerra 10:30etik 11:30era izango da.
Hilaren 17an Gipuzkoako Erroten egunarekin bat eginda zabalik izango da errota. Bisitak euskaraz 10:30ean eta 12:30ean egingo dituzte; gaztelaniaz, 11:30ean.
