Gizarte zerbitzuentzat eta osasun ekintzentzat diru laguntzak
Bi arlo horietan jarduten duten irabazi asmorik gabeko elkarteek hilaren 13ra dute udalaren laguntza eskatzeko epea zabalik.
Lezoko Udalak jakinarazi du gizarte zerbitzuen eta osasunarekin zerikusia duten ekintzetan dabiltzan irabazi asmorik gabeko elkarteek 2026ko diru laguntzen deialdia zabalik dutela. Hilaren 13ra arte (asteazkena) eska dezakete udalaren laguntza.
Laguntza horiek Lezoko, edo Lezon bi alor horietako jarduerak dituzten elkarteentzat dago zuzendua. Eskaerak telematikoki egin behar dira, Lezoko Udalaren webgunearen bitartez.
Gaiaren gaineko informazio osagarria behar dutenek hainbat bide dituzte horren bila joateko. Batetik, udalaren webgunetik lor daitezke argibideak; bestetik, Lezoko Udaleko Gizarte Zerbitzuekin harremana egin daiteke, telefono bidezkoa (943 52 10 94). Posta elektroniko bidez ere eska daiteke zer eta nola egin.
