Zintzilik Irrati librearen aldeko kontzertua, Niessen aretoan
Euskal Herriko punk eta rockaren espektro zabaleko ezinbesteko bi banda ariko dira: Perlata eta Lukiek.
Lukiek eta Perlata taldeak ariko dira. Zintzilik Irrati Librearen aldeko kontzertua antolatu dute hilaren 30ean. Niessen arteoan iznago da eta Euskal Herriko punk eta rockaren espektro zabaleko ezinbesteko bi banda arituko dira oholtza gainean: Perlata eta Lukiek. Arrasatekoa da Perlata, eta Kuir Punk doinuak egiten ditu. Lukiek berriz, Mungiakoa (Bizkaia) da eta rock alternatiboa egiten du.
Arrasateko taldearen atzean Maialen (baxua eta ahotsa), Ane (gitarra eta ahotsa), Jaio (ahotsa eta biolina) eta Txerra (bateria). 2015ean sortua, gaur arte bost disko kaleratu ditu: Nondik hasi (2017), Urrezko kaiola (2018), Duguna esateko (2020), Zarata (2022), The dillingers taldearekin partekatua eta Alosia (2024).
Lukiek taldearen atzean, berriz, Josu Ximun (ahotsa eta gitarra), Antton Goikoetxea (baxua), eta Christian Rodriguez (bateria). 2015ean sortu zuten taldea eta 2019an grabatu lehenengo diskoa #1 eta 2021ean kaleratu zuten bigarren lana #2; 2024an, berriz, #3 diskoa kaleratu zuten.1990. hamarkadako rockean eta esperimentazioan mugitzen da taldea eta indarra, melodia oparoa eta soinu propioa ditu. Taldekideak, gainera beste proiektu batzuetan ere hartu dute parte, hala nola Sara Zozaya edo Belako taldeetan.
Kontzerturako 21:00etan zabalduko ditu atean Niessen aretoak eta ordu erdi geroago hasiko da emanaldia. Sarrerak, Arkaitza eta Landare tabernetan dira salgai 12 euroan; eskudirutan ordaindu beharko dira. atera daitezkeen irabaziak, irrati proiektu kolektibo eta autogestionatua sustengatzera bideratuko dituzte.
