LGTBIKA+ fobia eta faxismoa salatzera deitu dute
LGTBIfobiaren Nazioarteko Kontrako Eguna izango da igandean, hilaren 17an, eta horren harira, elkarretaratzera deitu du Oreretako Kuirdinadorak.
Oreretako Kuirdinadorak deitu du elkarretaratzera.OK Oreretako Kuirdinadora LGTBIfobiaren Nazioarteko Kontrako Eguna izango da igandean, hilaren 17an, eta horren harira, elkarretaratzera deitu du Oreretako Kuirdinadorak. Herriko Plazan izango da 12:00etan, eta mezu argia zabalduko dute: “Oreretako kuirrok lasai bizi nahi dugu”.
Kuirdinadoratik “nazkatuta” daudela azaldu dute: “Garain nahasiak bizitzen ari gara, gero eta prekarioagoak gara, asko-askoren eskubideak zalantzan jartzen ari dira, eta komunitateak hautsi nahi dituzte”. Horren aurrean, bizitzeko zein eredu nahi duten argi dutela adierazi du Kuirdinadorak: “Gehiengoarentzat bizitza gozagarri eta bizigarrien alde egiten duen jendarte eredua nahi dugu”.
Faxismoari erreferentzia: “Badakigu antolatzen ari dela gure kaleetan, baina ez gara besoak gurutzatuta geldituko, gu ere antolatzen ari gara”.
Bukatzeko, dei egin diete herritarrei protestarekin bat egitera.
