Emakumeen itzuliaren harira, trafiko aldaketak igandean
Itzulia Women txirrindularitza lasterketaren hirugarren etapa Errenteria-Oreretatik bi aldiz igaroko dela eta, trafikoaren inguruko hainbat neurri ezarri dituzte iganderako, hilak 17.
Itzulia Women txirrindularitza lasterketaren hirugarren etapa Errenteria-Oreretatik bi aldiz igaroko dela eta, trafikoaren inguruko hainbat neurri ezarri dituzte iganderako, hilak 17. Zirkulazioaren gaineko neurriak, ondokoak: Lartzabalgo biribilgunearen eta Galiziako biribilgunearen (Niessen) arteko Nafarroa hiribideko zatia eta azken biribilgune horren eta Lezoko biribilgunearen artekoa itxita egongo dira ibilgailuen zirkulazioarentzat 10:20tik 12:15era, gutxi gorabehera. Mozketa aurreratu daiteke lasterketaren erritmoaren arabera.
Beharrezkoak ez diren itxaronaldiak saihesteko, gidariei eskatu diete ordutegi horiek kontuan har ditzatela eta Nafarroa hiribidearen ordezko bideak erabil ditzatela. Horretarako, oharrak jarriko dira eragindako eremuetako atarietan, sarbideak adieraziz. Halaber, erdigunetik oinez joateko asmoa duten herritar guztiei eskatu diete kontuan har ditzatela ordutegi horiek eta arreta handiz ibil daitezela ibilbideak eragindako oinezkoentzako pasabideak zeharkatzean.
Nafarroa etorbideko lasterketaren eremuan aparkatutako ibilgailuak eta horko garajeetan aparkatzen dutenak ezin izango dira erabili mozketa orduetan.
Garraio publikoari dagokionean berriz, Lurraldebuseko E01, E02, E03 eta E27 eta U7 hiri-linean eragina izango dute trafiko eteteek aurreikusitako ordutegietan. U7 linearen Aiako Harria (kiroldegia), Galizia eta Zumardia geralekuak bertan behera geldituko dira.
