Piriniora asteburu pasa Urdabururekin
Hilaren 30 eta 31rako antolatu dute irteera mendizale elkartekoek. Bi ibilbide egingo dituzte bertan 5 ordu eta 30 minutukoak biak
Pirinioetara bi eguneko irteera egingo du Urdaburuk uztailean. Pirinioaurrera irteera antolatu du Urdaburu Mendizale elkarteak aurten ere. Hilaren 30 eta 31rako antolatu dute irteera mendizale elkartekoek. Bi ibilbide egingo dituzte bertan 5 ordu eta 30 minutukoak biak. Xehetasun guztiak hemen klik eginda kontsulta daitezke.
Autobusa 07:00etan irtengo da Zumardiko geltokitik, eta ohi moduan, 07:15ean Aritzetan ere geldituko da.
Irteeran parte hartuko dutenentzat eraman beharrekoak zehaztu ditu elkarteak. Hala, eguneko motxila baino ez dute beharko txangozaleek. Larunbatean Huescako (Aragoi, Espainia) Jaime I hostalean egingo dute lo , pentsio erdian, afaria eta gosariarekin.
Irteeraren prezioa, 80 eurokoa da eta plazak mugatuak dira, 24 zehazki. Behin plaza konfirmatzen denean egin behar da ordainketa, eta ez aurretik. Palza konfirmatzeko posta elektronikotik mezua bidaliko dute eta orduan egin beharko da ordainketa elkartearen kontu korronte zenbakian.
Izena eman behar da aurretik astearte eta ostegunetan 19:00etatik 21:00etara 943 52 78 79 telefono zenbakira deituta edo online galdetegia beteta (Egin klik hemen).
