Gerra eta militarizazioaren kontra elkarretaratuko dira
Hilaren 22an, ostiralarekin, egingo dute elkarretaratzea GOT Grupoa Oarso Taldeak eta Gerrarik ez plataformak deituta.
Gerraren eta militarizazioaren kontrako elkarretaratzera deitu dute GOT Grupo Oarso Taldeak eta Gerrarik ez plataformak. Hilaren 22an, ostiralarekin egingo dute elkarretaratze hori Zumardian, 19:00etan. Kezkatuta daude gero eta handiagoa delako arriskua “militarizazio eta gerra dinamikan” sartzeko, “horrek suposatuko lukeen hondamendiarekin”.
Horrekin batera, Europa osoan sumatu duten gastu sozialaren murrizketari aipamena egin diote deitzaileek, “gastu militarretara bideratzen da dirua eta arlo sozialera bideratutakoa gero eta gehiago murrizten ari dira”. Horren harira, bi adibide jarri dituzte mahai gainean. Frantziako Gobernuari egin diote aipamen lehenik, “6.500 milioi euroko gastu militar gehigarriak iragarri zituzten iaz, 2027an defentsarako 64.000 milioi euro lortzeko helburuarekin”. Kopuru horrek, 2017an gastu militarrera bideratutakoa bikoiztuta.
Alemanian, berriz, gastu militarra 82.700 milioitik 105.800 milioira pasako da datorren urtean: “Horrek esna nahi du datorren urtean Barne Produktu Gordinaren BPGaren %3,1eko gastua egingo dela NATOrekin eta 2035erako %5era igotzeko konpromisoa hartua du herrialde horrek.
Antolatzaileek parte hartzera deitu dituzte herritar guztiak, gerrari eta militarizazioari ez esatera.
