Selektibitatea pikutara bidali du Ikamak
Selektibitatearen kontrako kanpaina egiten ari da azken asteotan gazte antolakundea, baita Oarsoaldean ere.
Ikamaren dinamikaren barruko kartela selektibitatearen kontraIkama Selektibitatea erdi-erdian jarri du Ikama gazte antolakundeak eta haren kontrako kanpaina betean ari da azken asteotan Oarsoaldeko eta Bidasoko herrietan. Fck Sele, –Selektibitatea pikutara!– lelopean ari da dinamika burutzen antolakundea salatzeko hezkuntza prozesu osoa baldintzatzen duen froga dela. “Zaharkitua” egotea eta ikasleen etorkizuna eraikitzeko aukerak sortu edota ezabatzen dituela adierazi du Ikamak.
Salaketa ere gazte mugimendu horrek ikasleak “zenbaki” gisa tratatzen dituelako hezkuntza sistemak, “sistema meritokratikoa agerian utzita”. Sistema salatu bai, baino harago jo du Ikamak kanpainarekin, izan ere, hezkuntza sistema propioa aldarrikatu du.
Oreretan eta dinamikaren barruan, “pegada” egin du gazte antolakundeak, “tartean Lekuona Fabrikan, bertara biltzen delako ikasle ugari proba prestatzeko ikastera”.
Hurrengo hitzordua ekainaren 2an izango dute, selektibitate probaren lehen egunean. Egun horretarako elkarretaratzera deitu du Ikama gazte antolakundeak Hego Euskal Herrian. Protesta horiek, hainbat kanpusetan egingo ditu eta horietara batzeko deia egin die ikasleei. Gipuzkoari dagokion elkarretaratzea, Ibaetako kanpusean egingo dute, aularioan, 10:30ean.
