Lokal eta espazio hutsak dinamizatzeko diru laguntza deialdi berria, zabalik
Laguntzen bidez, pertsonentzako zerbitzu eta jarduerekin lotutako negozio berriak abiaraztea, mantentzea eta tokiko merkataritza indartzea bultzatu nahi dira.
euskaraldiaren harira adierazpen instituzionala egin du Errenteriako Udalak.Izaro Perez Loperena Errenteriako Udalak lokal eta espazio hutsak dinamizatzeko diru laguntza deialdi berria jarri du martxan, herriko jarduera ekonomikoa eta kaleetako bizitasuna sustatzeko helburuz. Laguntzen bidez, pertsonentzako zerbitzu eta jarduerekin lotutako negozio berriak abiaraztea, mantentzea eta tokiko merkataritza indartzea bultzatu nahi dira.
Diru laguntzak urtean zehar egindako gastu eta inbertsioetarako izango dira, eta honako hauek lagundu ahal izango dira, besteak beste: Negozioa martxan jartzeko hasierako gastuak eta inbertsioak; obrak eta lokalaren egokitzapena; altzariak, makineria edo tresneria; komunikazio eta publizitate gastuak; webgune edo sare sozialen diseinua; lokalaren alokairua edo erosketa; jardueren lekualdatze edo transmisio gastuak
Gainera, baldintza jakin batzuk betez gero, laguntza osagarriak eskuratu ahal izango dira. Baloratuko dira, besteak beste: e4makumeen presentzia sustatzea; Euskaraz Barra Barra ziurtagiria izatea; TicketBAI euskaraz erabiltzea; merkataritza edo ostalaritza elkarte bateko kide izatea; irisgarritasun unibertsala hobetzea.
Diru laguntzen gehieneko zenbatekoa 9.600 eurokoa izan daiteke, eta Iztieta auzoan irekitzen edo lekualdatzen diren negozioen kasuan, 12.000 eurora arte handitu ahal izango da.
Eskaerak azaroaren 3ra arte aurkeztu ahal izango dira, telematikoki (egin klik hemen) edo aurrez aurre.
