Greban diren erresidentzietako langileen kulturarteko kanpaldia
Zumardian dira goizeko hamarraz geroztik, eta 18:00ak arte izango dira bertan ospakizun giroan greban direla zabaltzen eta zaintza duina galdegiten
Erresidentzietako langileen kanpaldia Zumardian. Greban diren Jesusuen Bihotza eta Sanmarkosene adinekoen erresidentzietako langileak kulturarteko kanpaldia egiten ari dira gaur. Zumardian hartu dute plaza euren borrokaren berri zabaltzeko, zaintza duinerako baldintza duinak eskatzen ari direla agerian uzteko.
Goizeko hamarretatik dira Zumardian eta 18:00ak arte izango dira bertan. langileek adierazi dutenez, Errenterian 11 kolore jardunaldiari ekarpena egin nahi izan diote, “udalerrian dagoen kultur aniztasuna agerian jartzea eta aitortzea bilatzen du jarduera horrek, eta guk erakutsi nahi dugu ere zaintza lanekin lotuta aniztasun hori ere badagoela”.
Musika eta jatekoak lagun, gaur jai giroan atera dute euren aldarria kalera.
