Agenda beteta dator Udal Txistulari Taldea
Lehen hitzordua, ostiralean izango du, dantzaldia antolatu baitu Xabier Olaskoaga plazan 17:30ean hasita, eta Herri Arte Eskolako ikasleak izango dituzte lagun.
Udal Txistulari taldeak emanaldi agenda betea izango du hilabete honetan ere. Lehen hitzordua, ostiralean izango du, dantzaldia antolatu baitu Xabier Olaskoaga plazan 17:30ean hasita, eta Herri Arte Eskolako ikasleak izango dituzte lagun. Txistulariek herri dantzen errepertorioa eskainiko dute, gurasoak zein publiko orokorra parte hartzera animatuz.
Hilaren 21ean izango dute hurrengo hitzordua, kale animazioa Galtzaraborda eta Fanderia auzoetan 9:00etan hasita , diana eskainiko du Galtzaraborda auzoan Udal Txistulari Taldeak. Ondoren, 10:30etik aurrera, Fanderiako kaleak girotuko dituzte, auzoko jaiekin bat eginez.
Hilaren 23an, udako solstizioarekin bat eginda, 18:30ean txistulariak kalez kale ibiliko dira San Juan Zortzikoa jotzen. Jarraian, 19:00etan, Herri Arte Eskolako ikasleak lagunduko dituzte Soka Dantzan, eta 20:00etan, emanaldi hori Iztietan eta Pontikan errepikatuko dute.
