San Marko gotorlekuak, udako ordutegia
Udako ordutegiarekin izango da zabalik San Marko gotorlekua gaurtik irailaren 30era arte.
San Marko Gotorlekuko begiralekua.Oarsoaldea Garapen Agentzia Udako ordutegian ari da gaurtik San Marko gotorlekua eta horren arabera izango da zabalik irailaren 30era arte. Bizarain mendian kokatua, urtero bisitari ugari jasotzen ditu espazioak. Udako sasoiko ordutegia jarrita, 10:00etatik 14:00etara eta 16:00etatik 18:00etara izango da zabalik asteazkenetik igandera.
Udaberriko oporralditik hasita, urtean zehar instalazioak sei hilabetez erabilgarri daude; hala, naturaz gozatu nahi duen ororentzat daude irekiak, historia eta kultura ondarea uztartuz. Doako bisita gidatuak eskaintzen ditu gotorlekuak. Gainera, Oarsoaldea bailararen bilakaera historikoa azaltzen da begiralekutik; haurrentzako bisita gidatuak ere eskaintzen ditu.
Bisita gidatuez gain, bisitariek bere kabuz espazioa bisitatzeko aukera ere bada. Hala, kanoien eta obusen erreplikak, eta museoko gainontzeko zonaldeak ere bisita ditzake. Eguna bukatzeko eta kanpoaldean, San Marko gotorlekua eta Lau Haizetara parkea zeharkatzen duten bidexketan barrena ibiltzeko aukera du bertaratzen denak, Errenteria-Orereta, Donostia eta Astigarragako mugetan barrena.
San Marko gotorlekuko informazio puntuaren telefono zenbakia, honakoa: 943 44 96 38.
