Memoriarako, aldarrirako, ospakizunerako
Francisaldia antolatu du udalak, aurten ere, Vicente Vadillo Santamaria Francisen erailketaren 47. urteurrenean. Hilaren 10etik 26ra bitartean egingo dute.
Atzo arratsaldean aurkeztu zuten Francisaldia. Francisen erailketaren 47. urteurrenaren bueltan, Francisaldia zikloa antolatu du Errenteriako Udalak, LGTBI+ Politiken Aholku Kontseiluarekin elkarlanean, beste urte batez. Hilaren 10ean hasi eta 26ra bitarte, memoriarako, aldarrirako eta ospakizunerako bidean hainbat ekintza antolatu dira.
Programazio honen bidez, herritarrak ahalduntzea eta sentsibilizatzea izango du helburu udalak, “aldagaiok LGTBI+ pertsonen bizi baldintzak hobetzeko ezinbesteko diren heinean”. Horretarako, askotariko jarduerak antolatu dituzte, berdintasunerako eskubidearen eta genero-identitate, genero-adierazpen eta sexu-orientazioagatiko diskriminazio ezaren alde aldarrikapena egiteko.
Era honetan, aniztasunaren bizipen askearen sustapena ardatz izanik, antzerkia, zinema eta beste hainbat diziplina lotuko dituen programazioa osatu dute elkarlanean.
Ekainaren 10ean, Vicente Vadillo Santamaria Francisen hilketaren 47. urteurrenaren egunean, pertsona guztientzako espazio seguru eta libreak aldarrikatzeko, Oarsoaldeko LGTBI+ kuirdinadorak eta Errenteriako LGTBI+ Politiken Aholku Kontseiluak antolatzen duten kalejiran eta banderaren igoeran parte hartzera gonbidatu dituzte herritarrak. Bertan, Francisen hilketa oroitzeaz gain, Xanti Altxu Madeloni omenaldia egingo zaio, haren heriotzaren 20. urteurrenean.
Aurten, Gaztelekuekin elkarlan berezia egongo dela jakinarazi dute, gainera: Beraun eta Gabierrotako gaztelekuetan horma irudiak egingo dituzte herriko gazteek, BerexiArt margolariaren laguntzaz, gaztelekuak guztiontzat seguruak, irekiak eta errespetuzkoak direla aldarrikatzeko.
Francisaldiaren egitaraua
Ekainak 10, asteazkena
- Francisen erailketaren 47. urteurrena. Transmaribibollo kalejira. 19:00 Alabergako biribilgunetik
Ortzadaren banderaren igoera. 19:15 Kapuntxinotako biribilgunean
Antolatzaileak: Oreretako Kuirdinadora! eta Errenteriako LGTBI+ Politiken Aholku Kontseilua.
Ekainak 11, osteguna
- Adarbakarra: tailerra. 18:00 Emakumeen Etxea. Izen ematea: (klik hemen)
Ekainak 12, ostirala
- Adarbakarra, 19:00 Niessen Kulturgunea. Gonbidapenak: (klik hemen)
Ekainak 13, larunbata
- Eros eta Afroditaren aitortzak, 19:00 Niessen Kulturgunea. Gonbidapenak: (klik hemen)
Ekainak 16, asteartea
- OZZINEMA La amiga de mi amiga. 19:00 Niessen Zinemak. Gonbidapenak: (klik hemen)
Ekainak 20, larunbata
- TARDEO DRAG. 18:00 Niessen Kulturgunea Antolatzailea : Eureka Dance Studio. Sarrera : 15€ (Eureka Dance Studio) · 20€ (Sarreran)
Ekainak 26, ostirala
- Batxata salsa kuir ikastaroa. 18:00etan Emakumeen Etxean.
18:00 Emakumeen Etxea
Publiko guztietarako interesguneak: Udal biblioteketan
