Herriartekoan Errenteria nagusi, berriro
Debako Aldats pilotalekuan Erremintan garaipena berriro Errenteriakoentzat.
Ruben eta Eskisabel Debako Aldats pilotalekuan.EPLE Beste garaipena Herriartekoan Errenteriarentzat. Ostiralean Debako Aldats frontoian garaipena Errenteriako erreminta taldearentzat, 2-0 eginda. Larruzko pilotan Eskisabel eta Rubenek 18-35 irabazi zuten, eta Pala Motzean Yorel eta Abelek 25-40. Debaren gainetik aritu zen Errenteria, gehiago izan zen bi partidetan, eta bi garaipenez gain, 32 puntuko abantaila du.
Hori horrela, txapelketaren finalera heltzeko aukera handiak Errenteriak. Itzulikoak Agustina Otaola pilotalekuan jokatuko dituzte ostiralean, hilak 12, 19:15ean hasita.
Trinketeko Euskal Ligako binakako senior kategorian berri ona. Taberna eta Chiapusorentzat garaipena finalerdian Irungo Ramuntxo Berri trinketean. 15-9 eta 15-11 irabazi zuten Escamez eta Aranaren kontra. Final handia asteburuan jokatuko da, baina zehaztu gabe dira oraindik ordua eta trinketea.
Berri gehiago pilotarekin lotuta. Ekhi Larra EPLEko gazte mailako pilotaria Gipuzkoako lau terdiko Gipuzkoako txapelketako bigarren mailako finalerdietara heldu da. Final zortzirenetan 21-22 irabazi zuen Ilunpeko Arangurenen kontra, eta markagailu berarekin final laurdenak, Tolosako Carreraren kontra. Bide egokia Larra egiten ari dena.
