Salbazioa eta kopa, dena asteburu berean
Zirraraz betetako asteburua izan da Allerru Kirol Elkartearentzat. Lezoko futbol taldeko bi ekipok asko izan dute jokoan.
Gizonen taldekoak, larunbatean, gol bat ospatzen.Allerru Kirol Elkartea Zirraraz betetako asteburua izan da Allerru Kirol Elkartearentzat. Lezoko futbol taldeko bi ekipok asko izan dute jokoan. Zorionez, dena ondo atera zaie: gizonen Gorengo Erregional Mailakoek datorren urtean kategoria horretan jokatzen jarraituko dute, hau da, jaitsiera ekidin dute; nesken Haur Mailako F-8ko taldea, berriz, Gipuzkoako Udaberri Kopako txapeldun izan da.
Gizonen Gorengo Erregional Mailakoek mailari eusteko kanporaketaren itzuliko partida jokatu zuten larunbat arratsaldean Plazetan, Mondragon Bren kontra. Joaneko partidan arrasatearrek 1-0 irabazi zuten; kategoria mantentzeko, beraz, gol bat baino gehiagoko aldearekin irabazi behar zuten zuri-berdeek. Eta egin zuten. 3-0 irabazi zuten. Lehen zatia husnakoarekin bukatu zen, baina bigarrenean martxa bat gehiago sartu, eta Urko Sainzen (52. minutuan) eta Imanol Morenoren (67. eta 83. minutuetan) golei esker mamuak uxatu, eta mailan beste behin izateko eskubidea irabazi zuten. Lezoar asko izan ziren Plazetan taldea animatzen, neurri batean haien bultzadari esker ere mantendu du maila Allerruk.
Igande goizean Gipuzkoako Udaberri Kopako finala jokatu zuten F-8 neskek. Markagailuak dio erraz egin zutela bere kopa, Aiztondori 5-1 irabazi ziotelako. Baina ahalegin betean izan ziren neska gazteak desio zuten hura lortzeko. Egin zuten.
F-8ko Haur Mailakoen kapitaina, Gipuzkoako Kopa eskuan. Argazkia: Gipuzkoako Futbol Federazioa / X
