Beraun abesbatza, Madalenaren ermitan
Larunbatean izango da emanaldia, 20:00etan hasita, doan.
Basilikaren eraikina askotan eraberritu dute. Beraun abesbatzak emanaldia egingo du larunbatean, hilak 20, Madalenaren ermitan. Maria Magdalenaren Lagunak Kultur Elkarteak antolatuta, 20:00etan hasiko da kontzertua eta sarrera doakoa izango da lekuak bete arte.
Lagunartean sortu zuten Beraun abesbatza, 2004 urtean auzoan barrena Santa Ageda koplak eta kaldereroak abestera aterata; jendeari gustatu eta Olentzero eta Habanerak entseatzen hastea erabaki zuten taldea zabalduta. Lagunartea, hogeita hamarreko taldea bilakatu zen, baina hasiera hartan denak gizonak ziren. Emakumeak batu ziren urte batzuk geroago, eta gaur egun 45 lagunek osatzen dute abesbatza, 27 emakume eta 18 gizonek.
Hasiera hasieratik Javier Salaberria izan zuten zuzendaria eta abesbatzaren sustatzaile, eta egun Berty Pinok gidatzen du taldea. Astean bitan egiten dituzte entseguak eta batez ere zaharren egoitzetan, auzoetako jaietan eta Gurutze Gorrian eskaintzen dituzte emanaldiak, Habanerak eta euskarazko eta gaztelaniazko abestiak kantatuz.
