San Joan bezperako gau berezirako prest Lezon
20:00etan eta 22:00etan dantzaldiak izango dira Gurutze Santuaren plazan.
San Joan bezperakoa urteko gaurik berezienetakoa izaten da. Udako solstizioarena. Lezon, nola ez, urtero-urtero dantzaren bueltan mamitzen dute ilunabarra, eta aurten ere hala izango da herriko dantzari eta musikariei esker. Bi dantzaldi jasoko ditu Gurutze Santuaren plazak, suaren bueltan ibiliko dira herriko artistak.
Lehena 20:00etan hasiko da. Hasierako txanda horretan Murixkako dantzariek euren emanaldia eskainiko dute. Bigarrenean herriko dantzari helduak ariko dira, soka-dantzan. Lizarrari su eman, eta haren inguruan ibiliko dira jauzi eta dantza.
