Txapelarik gabe, baina puntakoak
Errenteria baino gehiago izan da Andoain Herriarteko erreminta modalitateko finalean.
Errenteriako Taldea sari banaketan OlaberrianEPLE Gogoa eta ilusioa ez dute falta, eta lanaren beldur ez dira. Errenteriak argi utzi du aurten ere Gipzukoako Herriartekoan erreminta modalitatean punta-puntako taldea dela. Hala ere, ez dute lortu Andoain irabaztea, eta aurreko urtean bezala txapeldunorde izan dira, berriro.
Olaberriako pilotalekuan jokatu zuten finala joan den larunbatean, bi taldeetako zaleen babesarekin.
Larruzko Apletan Errenteriaren garaipena. Eskisabelek eta Rubenek 33-35 irabazi zuten partida Iradi eta Rekalderen kontra. Errenteriarrak 27-33 aurrea hartuta ibili ziren baina ez duten orduan partida ixten asmatu tarte handiagoarekin irabazteko.
Pala Motzean, Yorel eta Abelek 40-25 markagailuarekin eman zuten amore, Altuna eta Ponceren kontra. Andoaingoak bikain partida osoan, aukerarik eman gabe Yorel eta Abeli partidan sartzeko betean. Berdinketa garaipenetan 1-1 eginda, baina 13 puntu Andoaingoen alde, eta titulua haientzat.
Markel Murua, Errenteriakoen ordezko gisa.
Txapelarik ez du lortu Errenteriak, baina taldeak argi erakutsi du lehiaketa honetan punta-puntako taldea dela, eta datorren artean, berriro, ilusio berarekin arituko dira titulua lortzeko.
Erremonte jaialdiari ere erreferentzia egin behar, ezinbestean. Lehenengo partidan Arluziaga eta Eskudero 2 (15-12-8) Susperregi eta Ugarte III 1(9-15-4); bigarren partida, Aiestaran VII eta Barrenetxea IV 2 (15-15) eta Goikoetxea V eta Larrañaga 0 (10-10). Bi partidak ikusgarriak, faktura guztietako erremateekin, eta giro polita frontoian.
