Familia Laguna proiektuaren eskertze jaialdia
Bukaera ekitaldia egin zuen programak joan den ostiralean, Lartzabal parkean.
Familia Laguna programaren jaia. Argazkia: Familia Laguna proiektua Familia Laguna proiektuak eskertze jaialdia egin zuen pasa den ostiralean parte hartu duten familiekin. Lartzabal parkean egin zuten ekitaldia, jai giroan eta Kromosoma elkarteak utzitako jolasekin. Diploma banaketa ere egin zieten familia parte hartzaileei. Programaren gidari lanetan Elkarrekin Kooperatiba elkarte txikiak, Errenteriako Udalak finantzatuta. Aurten denera, 37 familia aritu dira, 18 tandem eta udalerriko Lehen Hezkunzta eta Haur Hezkuntzako sei ikastetxeetako 58 haurrek.
Programa familia laguntzarako kulturarteko proiektua da eta helburu zehatza du: etorri berri diren familiak adin bereko haurrak dituzten tokiko familiekin harremanetan jartzea, “ezinbestekoa den harrera komunitarioa familiek beraiek egiten dute adin bereko haurra konexioa izanik”. Horrekin batera, aisia eskaintza egiten zaie asteburuetan parte hartzen ari diren familiei, Finean, udalerriko bizitza komunitarioan ahalik eta modu autonomoenean, komunitarioenean eta parte hartzailean aritzeko tresnak eskura jartzea du helburu.
Laugarren ikasturtea du programak Errenteria-Oreretan bukatu berri dena. Orain atseden hartuta, irailean itzuliko da berriro ere.
