Pirinioetara joango da Urdaburu
Uztailaren 11 eta 12rako antolatu dute irteera mendizale elkartekoek. Bi ibilbide egingo dituzte bertan 7 ordu eta 8 ordukoak.
Portillon de Benas pasako dute besteak beste lehenengo eguneko ibilaldian. Pirinioetara irteera antolatu du Urdaburu Mendizale elkarteak aurten ere. Uztailaren 11 eta 12rako antolatu dute irteera mendizale elkartekoek. Bi ibilbide egingo dituzte bertan 7 ordu eta 8 ordukoak. Xehetasun guztiak hemen klik eginda kontsulta daitezke.
Autobusa 06:30ean irtengo da Zumardiko geltokitik, eta ohi moduan, 06:35ean Lintzirinen geldituko da.
Autobusak larunbat goizean utzi eta igande arratsaldean hartuko gaitu. Renclusa aterpean egingo dute lo pentsio erdian (afaria eta gosaria). Bi egunetako behar duten guztia eraman behar dute motxilan, eta ezingo dute utzi ezer aterpean. Gailurrak ez igotzeko aukera dago, lepoan zain egonda. Gaua aterpean igarotzeko beharrezkoa dena eraman behar da, baita lo-zakua edo izara zakua ere. Aterpean dutxa badago.
Zeharkaldiak ez du zailtasun tekniko garrantzitsurik Urdaburuk azaldu duenez, baina ibilaldi luzeak eta gogorrak dira, desnibel positibo eta negatibo handikoak. Gomendatzen da Pirinioetan ibiltzen ohituta egotea eta desnibel handietarako prestatuta joatea. Aneto eta Maladetako glaziarrak ikusteko aukera Portillon de Benásetik. Glaziar hauek, adituen ustetan, urte gutxiren buruan desagertuko dira.
Irteeraren prezioa, 80 eurokoa da eta plazak mugatuak dira, 30 zehazki. Behin plaza konfirmatzen denean egin behar da ordainketa, eta ez aurretik. Plaza konfirmatzeko posta elektronikotik mezua bidaliko dute eta orduan egin beharko da ordainketa elkartearen kontu korronte zenbakian.
Izena eman behar da aurretik astearte eta ostegunetan 19:00etatik 21:00etara 943 52 78 79 telefono zenbakira deituta edo online galdetegia beteta (Egin klik hemen).
