Errenteriako Atletismo Taldeko masterrak bikain, Espainiako Txapelketan
Itxaropentsu ziren emaitzekin, eta aurreikuspenak gaindituta itzuli dira Madrildik Errenteriako Atletismo Taldeko master kirolariak.
EATko atletak dominak zintzilik.CAR/EAT Txukun ariko ziren uste betearekin abiatu ziren Madrila Errenteriako Atletismo Taldeko master lasterkariak; aurreikuspenak gaindituta itzuli dira, pentsatu zutena baino domina gehiago lepotik zintzilik. Pozik dira emaitzarekin eta Vallehermoso estadioan langa goian bazegoen ere oso beroa izan den asteburuan, erakustaldia eginda itzuli dira etxera.
Ostiralean hasi zen lehia, hesi eta distantzia luzeko lasterketekin; larunbatean, bestelako lasterketen txanda heldu zen, eta horietan lortu zituzten dominak herriko atletek.
Leire Castilla 50 urteko Emakumeen kategorian lehiatu zen eta 80 metroko hesi lasterketan seigarren izan zen; 300 metro hesian brontzea lortu zuen; eta 100 metroan zortzigarren postua egin zuen. Ines 80 urteko emakumeetan urrea izan zen. Maika Moreda, berriz, 60 urteko Emakumeetan, zilarra izan zen 300 metroko hesi lasterketan. 100 metroan brontzea izan zen gainera, Moreda, 200 metroetan zilarra, 4X100 metroan zilarra, eta 4X 400 lasterketan, urrea.
Iker Ariznabarreta 45 urteko Gizonetan bosgarren izan zen 400 metro hesi lasterketan eta 4X400goan, zilarra. Esther Estefania 70 urteko Emakumeetan lehiatuta zilarra izan zen 400 metroetan eta urrea, 800 metroetan eta 1.500 metroetan. Gainera, Estefaniak, zilarra lortu zuen 5.000 metroko lasterketan, 4X100 lasterketan brontzea eta 4X400 lasterketan, urrea.
Miguel Harina 60 Urteko Gizonen kategorian aritu zen, eta seigarren egin zuen 100 metroko lasterketan, zazpigarren 200 metrokoan, eta urrea 4X400 erreleboetan . Rafa Ferrer brontzea izan zen 300 metro hesi lasterketan, 400 metrokoan, eta 4X100 metrokoan eta urrea 4X400 metroko lasterketan.
Vitalino 65 urtetik gorakoen kategorian aritu zen eta harentzat ere hiru domina, bi zilarrezko 100 metro hesian eta 300 metro hesian, eta 4X400 metroan brontzea. Ruben Corchuelo 45 urteko gizonetan zazpigarren izan zen 400 metroan, eta zilarra 4X400 metroan.
Loreto Morillas 50 urteko Emakumeetan bederatzigarren izan zen 900 metrotan, 200 metrotan 11. eta 4X400 metroan zilarra. Alvaro Calvo 45 urteko Gizonetan brontzea mailuarekin.
Emaitza bikainak eta denboraldia ez dute oraindik bukatu. Hilaren 11 eta 12an Coruñara (Galizia) joango da atletismo taldea taldekako Espainiako Master Txapelketa jokatzeko. Larunbatean emakumeak lehiatuko dira lehen mailan eta 12an, gizonak bigarren mailan. Ea aurreko asteburua bezain oparoa duten hori ere.
