Kultur aniztasuna, mural kolektiboan
Herriko kultur aniztasuna eta elkarbizitza aldarrikatzeko horma irudi kolektiboa sortu dute Koldo Mitxelena ikastetxeko 31 ikaslek.
Kultur aniztasuna eta elkarbizitza aldarrikatzeko horma irudi kolektiboa sortu eta margotu dute Koldo Mitxelena Institutuko hainbat ikaslek. Bakoitzaren kolore, guztion ohore leloa du lanak, eta prozesua Koldo Mitxelena institutuko irakasle Zigor Garciak eta Zorione Mendez Martin sormen dinamizatzailearen eskutik egin dute ikasle horiek.
Horma irudia, aurretik egindako lanketa baten emaitza da. Izan ere, Errenteria-Oreretako aniztasunaren eta harreraren inguruan hausnarketa egin dute ikasleek, eta horietatik abiatuta sortu dute murala. Besteak beste, Burubeltz pertsonaia aniztasuna eta elkartasunaren sinboloa, eta denen elkargune den zumardiko kioskoa eraman dituzte horma irudira.
Denera 31 ikaslek hartu dute parte sormen prozesuan eta murala margotzen; zehazki, Batxilergoko 2. mailako Adierazpen Grafiko Plastikokoak, FBH 4. mailako beste ikasle batzuekin batera.
Lanaren azalpen osoa eta muralaren prozesua erakusten duen Herri Biziaren bideoa da ondokoa.
