1976ko kintoen bazkarirako izena ematea, zabalik
Urriaren 31n izango da bazkaria eta horren bueltan antolatutako jarduera guztiak eta Iker Rodriguez DJak musikatuko du arratsalde partea.
Egiluze Sagardotegian egingo dute bazkaria. 50 urte beteko dituzte aurten eta modu berezian ospatuko dute 1976ko kintoek. Urriaren 31 aukeratu dute egun handia. Orain arte data esanguratsutan elkartu dira, hirutan zehazki, 40 urte, 45 eta orain 50 urte betetakoan, eta aurreko bi ekitaldietan arrakastasua izan da erantzuna, 100 lagunetik gora elkartu baita.
Antolakuntza taldekoek azken unera arte zain ez izateko eskatu di¡ut, “jende kopuruaren arabera denak sartu gaitezkeenik ezingo baitugu bermatu”.
12:00etan abiatuko da autobusa zumarditik jatetxera abiatzeko eta ordu erdi geroago hasiko dute bazkal aurreko poteoa jatetxean bertan. 14:00etan helduko da bazkariaren txanda, eta Egi Luze sagardotegi menua izango dute gozagarri. Zumardira itzuliko dira bazkal ostean, 17:30ean eta arratsaldeko tragoak taberna batean egingo dituzte, aurrez hitzartutakoa. Taberna horretan bertan girotuko du arratsaldea Iker Rodriguez DJak.
Kintoetako bazkariarekin bat egin nahi dutenek, 65euroko diru sarrera egin beharko dute ES88 3035 0011 21 0111 284483 kontu korronte zenbakian urriaren 1a baino lehen.
