Bide onetik doaz Pasaiako eskifaiak
San Juango gizonak eta San Pedro beren ligetako bigarren txandan finkatu dira, eta 'Batelerek' jaitsierako play-offekiko aldea handitu dute.
Uda aurrera doa, eta harekin batera arraun denboraldia. Asteburuan Eusko Label eta Euskotren Ligetako bigarren eta hirugarren jardunaldiak jokatu dira Bizkaiko kostan, Bilbon eta Zierbenan, hurrenez hurren. San Juango gizonak zortzigarren izan dira bi estropadetan, eta bigarren txandan finkatu dira. Arrosek ondo hasi dute sasoia. Emaitza horiei esker, Erreka sailkapeneko zazpigarren postuan kokatu da, 16 punturekin.
Emakumeak, aldiz, zazpigarren izan ziren Bilbon eta laugarren Zierbenan. Arrosek ere ondo hasi dute itzuleraren sasoia eta seigarren dira sailkapenean, 12 punturekin. Une honetan lau puntura dituzte Zumaiak markatzen dituen jaitsierako play-offak, eta aldea handitu dute asteburu honetan. Asteburu honetan Castron eta Orion arituko dira San Juango bi eskifaiak.
Bestalde, San Pedrok KAE1 Ligako laugarren eta bosgarren estropadak jokatu ditu Ziburun eta Zarautzen. Moreak erregularrak izan dira bi probetan, zazpigarren izan baitira. Aldaketa betean badaude ere, San Pedrok bide onetik hasi du denboraldia, eta seigarren postuan kokatu dira sailkapenean, 32 punturekin. Soilik 2 puntura dute Kaikuk markatzen duen ohorezko txanda. Asteburuan estropada bakarra jokatuko du Libia-k, larunbatean Orion.
