Fanderiako Errotak ateak zabalduko ditu asteburuan
Hileko bigarren asteburuetan jartzen dute martxan hura bisitatu nahi dutenentzat.
Fanderiako Errotaren barrualdea. Fanderiako Errotak ateak zabalduko ditu barrutik ezagutzeko asteburuan. Hileko bigarren asteburuetan jartzen dute martxan hura bisitatu nahi dutenentzat. Larunbatean 11:30etik 14:00etara izango da zabalik, eta igandean, 10:30etik 14:00etara. Bere historia ezagutu, martxan ikusi eta ibaiak duen garrantzia ezagutzeko aukera izango dute bertaratzen direnek.
Larunbatean gainera, parkeko biodibertsitatea ezagutzeko ibilbidetxoa antolatu dute, herritar orori zuzenduta. 10:30etik 11:30era izango da eta horretarako, 690 72 02 64 edo 943 49 45 21 telefono zenbakietara deitu behar da.
