Gizon bat hil dute Kaputxinoetan, arma zuriz eraso eginda
Hildako gizonak 33 urte zituen. Eusko Jaurlaritzaren Segurtasun Sailak jakinarazi duenez, 23 urteko gizon bat atxilotu du Ertzaintzak hilketarekin lotuta.
33 urteko gizon bat hil dute gaur gouzean arma zuriz egindako erasoan, Kaputxinoak auzoko Sorgintxulo kalean. Eusko Jaurlaritzaren Segurtasun Sailak azaldu duenez arma zuri batekin egindako erasoen ondorioz hil da gizona.
Hilketarekin lotuta 23 urteko gizon bat atxilotu duela Ertzaintzak jakinarazi du Segurtasun Sailak bestalde.
Gertakariak goizeko bederatziak pasatxo gertatu dira, Kaputxinoak auzoan, eta herritar bat izan dela larrialdi zerbitzuak ohartarazi dituela esan du segurtasun sailak: pertsona batek labankada jaso eta lurrean zela esanez deitu du larrialdietara bizilagunek. Bertaratu badira ere, larrialdi zerbitzukoek ezin izan dute ezer egin gizonaren bizia salbatzeko.
Segurtasun Sailak jakinarazi du Ertzaintza bertaratu eta lekukoei galdetu ostean, 23 urteko gizona atxilotu duela; atxilotuak Espainiako herritartasuna duela ere jakinarazi du iturri berak.
Ertzaintza hilketaren nondik norakoak ikertzen ari da. Gertakariaren eremua hesituta dago.
