Txupinazoa udaletxeko balkoitik biziko dute
Udaletxeak egiten duen zozketak baditu irabazleak. Bost lagunek gonbidapen bikoitza jasoko dute madalenetako txupinazoa gertu-gertutik bizitzeko.
Ikaragarria da txupinazoaren unea urtero. Zirrara berezia da jendartean Herriko Plazan, festa eta dantza azalean sumatzea, horren parte izatea. Berezia da ere, ikaragarria herri bat batera ikustea festari emana, eta udaletxeko balkoiak panoramika paregabea eskaintzen du horretarako. Orain urte batzuk arte gutxi batzuk baino ez zuten aukera, edo hobe esanda ohore hori: udal ordezkariek, omenduek , noski, eta lanean aritzen diren kazetari eta argazkilariek. Gonbidaturen bat ere izaten zen.
Duela hamar urte baina, errenteriar oreretarrentzat hain berezia den unea gertu-gertutik bizitzeko eta sentitzeko aukera eskaini zuen Errenteriako Udalak lehen aldiz, 2016an. Aurtengoarekin, bost herritarrek, bina gonbidapen jaso dituzte zozketa bidez, txupina udaletxeko balkoitik ikusteko. Aurtengoa, 11. aldia izango da, eta irabazleak ezagutarazi ditu udalak. Zorte onekoak: Erika I. L; Rafael O. R; Paki E. B; Purificación C. R; eta Eva J. M. Udala zuzenean jarri da harremanetan irabazleekin.
Irabazleak zoriondu ditu udalak, eta parte hartzaile gutziei eskerrak eman dizkie.
