Donibaneko sokamuturren aurrean hainbat ohar
Santioen programazioaren barruan, sokamuturra egingo da hilaren 25ean eta 31n, 08:00etatik 09:00etara. Udalak hainbat ohartarazpen egin ditu.
Hilaren 25ean eta 31n, Donibaneko santioen programazioaren barruan, sokamuturra egingo da Donibane kaleko 19. zenbakitik 93. zenbakiraino (Santiago plaza), 08:00etatik 09:00etara bitartean.
Sokamuturrean zehar, tarte horretan bizi diren bizilagunei kalera ez ateratzea eskatu die udalak. Horrez gain, udal erakundeak gogorarazi du 16 urtetik beherakoek, alkoholdun edarien edo substantzia estupefazienteen edo psikotropikoen eraginpean daudenek eta borondatezko gaitasuna murriztua dutenek ezin dutela parte hartu.
Aurten, eta lehen aldiz, sokamuturraren ibilbidean itxitura batzuk jarriko ditu udalak segurtasuna bermatzeko. Honako puntuetan jarriko dituzte itxitura horiek:
- Auzo txinatarra: Donibane 41-43.
- Nikolasa: Donibane 59-61.
- Pietatea: Donibane 69-71.
- Txurreria: Donibane 75.
Larrialdi kasuetan, Udaltzaingoarekin (943 00 43 00) edo SOS Deiak-ekin (112 larrialdiak) kontaktuan jartzea eskatu du udalak.
