Sagardo lehiaketan, Misiyu irabazle
Berriro irabazi du Misiyu baserriak Oiartzungo Inaxio Uharte Sagardo lehiaketa. 15 sagardogilek parte hartu dute itsuz itsuko dastaketan.
Oiartzungo Inaxio Uharte Sagardo Lehiaketa egin dute gaur, eta garailea, iaz bezala, Misiyu baserria, Iturriotzen kokatutakoa, izan da garailea. 15 sagardogilek parte hartu dute itsuz itsuko dastaketan, urtero moduan. Jendez bete da plaza, eguraldiak hala lagundu du eta. Ibargain elkarteak antolatu du beste urte batez, haien 50 urteak ederki ospatzen.
Bertaratutakoak elkarrizketatuz, 10. eta 12. sagardoak zituztela gustuko esan dute, baina azkenean, inork ez esandako 15.ak irabazi du. Denak Oiartzungo baserrietakoak izan dira, eta ez dira sagardogile industrialak onartzen. Batzuk gozoagoak, beste batzuk mikatzagoak, hotzagoak, beroagoak… denetarik izan da gaur. “Nik aukeratu beharko banuke, sagardoa ez epela baina ezta ere oso hotza”, azaldu du Andoni Iragorri Ibargain elkarteko kideak.
Pintxoak ere banatu dituzte. Txorizoa, patata tortilla eta bakailu tortilla. Azkar batean bukatu dira bakailuarenak, eta besteek ere ez dute asko iraun. Sagardoa ere gutxinaka bukatzen joan da. Jendeak asko hitz egin du haien artean, gomendio onak eta txarrak emanez, aholkatuz hura edo bestea edan zezaten. 14 eta 15 postuak izan dira lehenak amaitzen.
Azkenean, jakin da berriro ere Misiyu baserriak irabazi duela, eta beste sari bat gehituko duela bere bitrinara.
Hona hemen gaur HITZAk ateratako argazkiak:
Gaurko programazioa:
- 17:00 Helduen tailerrren 27. errakusketaa (margoak, bolilloak, eskulanak, tailla, joste-lanak, pachwork, altzari-berritzea, eta abar), Done Eztebe Plazan. antolatzailea: HELta Helduen tailerrak
- 17:00 Bingo musikatua, Eliza ondoan. antolatzailea: Oiartzungo Feministen asanblada
- 17:30 idi demaren bigarren txanda, hilerriaren goiko aldeko plazan.
- 18:30 Oiartzungo dantza taldeen emanaldia, Landetxe Plazan. antolatzaileak: Elizalde, Haurtzaro eta Olarri Dantza taldeak
- 19:00 BOLOMa. zunba kuirra txosnagunean.
antolatzailea: Oiartzungo Feministen asanblada - 19:00 Herri kirolen jaialdia, Haurtzaro ikastolan.
aizkolariak eta harri-jasotzaileak. antolatzailea: iturri-Berri Elkartea - 19:00 Herriko gazteen bertso saioa, Haurtzaro ikastolan. Kattalin arabolaza, Egiar Otegi eta Peru alijostes bertsolariak.
antolatzailea: Martzelina Bertsozale Elkartea - 21:00 GOi-MaiLaKO PiLOta PartiDaK, Madalensoro Pilotalekuan. Eskuz binaka neskak eta mutilak.
antolatzaileak: Oiarpe K. E. - 22:00 HiKa tEatrOa eta OinKari dantza taldearen MAKIL HOTSAK ikuskizuna, Elorsoro kiroldegian.
antolatzailea: Haurtzaro Dantza taldea - 22:00 Musika Jaialdia, Done Eztebe plazan:
6Etzi. antolatzaileak: Musika Batzorde - 23:00 Musika Jaialdia, txosnagunean. astelehen goizak eta loraze. antolatzaileak: Musika Batzordea
- 23:00 Helduen danborrada, Oiartzungo kaleetan zehar.
antolatzaileak: auzokalte Elkartea eta Haurtzaro ikastola - 24:00 DJ BuLL, zimitiyoko txosnan, euskal musikaz girotua.
antolatzailea: zimitiyoko txosna
