Herribide sarearen inbentarioan helegiteak egiteko epea ireki dute
118 kilometroko bide sarea identifikatu du udalak. Irailaren 10era arte izango dute herritarrek alegazioak egiteko epea.
Errenteriako Herribideen Udal Sarearen Inbentarioak martxa ona hartu du. Ekaineko osoko bilkuran onartu zen inbentarioa egitea, beharrak bultzaturik, eta orain dagoeneko ikusgai dago, irailaren 10era arte.
118 herribide kilometro erregistratu dira Errenteriako mugen barnean, guztira 3200 hektarea inguru. Herribide horiek, landa eremuko gune askotarako sarrera bermatzen dute, hala nola larre, baserri, borda, erreka, iturri edota mendi bideetara. Landa eremuak ikuskatu dituzte bereziki, hala nola Artamugarri, Listorreta, Añarbe, Txoritokieta, Egieder, Floreaga, Larreaundi, Zamalbide, Isatse eta Aizpitarte.
Udalak inbentarioa jendaurrera aurkeztu du, herritarrek haien helegiteak aurkeztu ditzaten. Horregatik, irailaren 10era arte izango da iradokizunak egiteko epea. Inbentarioa ikusteko, egin klik hemen.
