Galtzarabordako haur eskola publiko berriaren obrak martxan
Galtzarabordakoa, Errenteria-Oreretako hirugarren haur eskola publikoa izango da eta 21 plaza izango ditu.
Galtzarabordako haur eskola publiko berriaren lanak martxan dira.Herri Bizia Hasi ditu udalak lanak Galtzarabordako haur eskola publiko berria egi bihurtzeko. Haur eskola berria, Errenteria-Oreretako izaera publikoko hirugarrena izango da, Alabergakoa eta Agustinetakoarekin batera, eta Haurreskolak Partzuergoak kudeatuko du; azken hori, Eusko Jaurlaritzaren Hezkuntza Sailaren mendeko erakundea da.
Zentro berriaren datu gehiago ere eman ditu udalak, 21 plaza izango ditu, eta udalerriko haur hezkuntza publikoaren eskaintza handituko du, azken urteetan matrikulazioek izan duten gorakadari erantzunez.
Galtzaraborda udalerriko auzo jendetsuenetako bat da, “ekipamendu berriari esker, zerbitzu publiko hau goialdeko auzoetako familiei ere gerturatuko zaie, hala nola, Beraun eta Kaputxinoetako familiei”.
Lanak hastearekin batera proiektua gauzatze fasean sartu dela gaineratu du udalak. dena ondo bidean, 14 hilabeteko iraupena izango dute lanek eta udalak 1,3 milioi euroko aurrekontua bideratu du. Haur eskolaren eraikuntzaren %35 Europako Feder Funtsekin batera finantzatuko duela ere azaldu du udalak.
Auzoaren biziberritzea
Haur eskola berriaren eraikuntza Galtzaraborda Planaren barruan kokatuta dago, eta hainbat jarduketa jasotzen ditu plan horrek auzoko gune ezberdinetan, “hiri berroneratzea eta espazio zeinz erbitzu publikoen hobekuntza sustatzeko”. Ekipamendu berriaren eraikuntzak Galtzarabordako parkea berritzeko lehen urratsa ere ekarriko duela azaldu du bukatzeko udalak, “parkearen diseinua auzoko bizilagunekin elkarlanean landu da”.
