Bonu kanpainaren inguruko bi informazio saio, merkatarientzat
Zortzigarrena izango da aurtengo bonu kanpaina eta horren harira bi saioa antolatu ditu udalak, bata Erdialdean eta bestea Beraunen.
Aurtengo bonu kanpainaren bueltan bi informazio saioa antolatu ditu udalak merkatariei begira. Hilaren 8an, asteartearekin izango da lehena Reina aretoan 14:00etan, eta hilaren 10ean, ostegunarekin, bigarrena Aldakoenean 14:00etan.
Aurtengoa zortzigarren bonu kanpaina izango da eta izango duen funtzionamenduaren berri azaldu nahi die bilera horien bidez merkatariei.
Herritarrek urriaren 1etik azaroaren 30era bitartean baliatu ahalko dituzte bonuak, eta merkatariek kanpaina bukaerara arte izango dute atxikitzeko aukera. Atxikitzeko eskaera hiru bidetik aurkez daiteke: Errenkoalde elkartearen egoitzan, Zu! arreta zerbitzuan, edota udalaren erregistro elektronikoaren bidez.
Datozen egunetan jakinaraziko du parte hartuko duten saltokien zerrenda udalak (klik hemen). Informazio gehiago Bizi Errenteriaren web orrian, 010 edota 943 44 96 00 telefonoetan.
