Hemen dira Gurutzeko festak
Atzo (ostirala) eta gaur (larunbata) atarikoak dituzte, eta hilaren 11 eta 12an gauzatuko dira egitarauaren barruko ekitaldi gehienak
Hilaren 12ko eguerdian egingo da toka txapelketa. Gurutze auzoan festetan dira. Atzo (ostirala) eta gaur (larunbata) atarikoak dituzte, eta hilaren 11 eta 12an (datorren asteko ostiral eta larunbatean) gauzatuko dira egitarauaren barruko ekitaldi gehienak, tartean festen hasiera ofizialari dagokiona.
Hala, atzo gauez truk txapelketa egin zuten Bizardia elkartean. Gaur (larunbata), 11:00etatik Gurutzeko oroimenaren ibilbide gidatua dira egitekoak, eta 14:00etan erretiratuen bazkaria izango da, auzokideekin batera.
Asteburu honetakoak bukatuta, hurrengoan auzoko festen egitarauaren zatirik mardulena iritsiko da. Beheko koadroan ikus daiteke jardueren zerrenda.
Gurutzeko festak. Egitaraua.
Hilak 11, ostirala
- 18:00. Festen hasiera, eta auzoko gazteen arteko desafioa, Egiar Otegi eta Kattalin Arabolaza bertsolariek lagunduta.
- 19:30. Erraldoi eta buruhandien kalejira, Oidultz dultzaineroek lagunduta.
- 20:00. Elkarretaratzea. Jarraian, poteoa (mokaduak auzoaren kontura).
- 21:00. Afaria (janaria norberak eramanda) pilotalekuan. Ondoren, mikro irekia.
Hilak 12, larunbata
- 11:00. IV. Sagardo lehiaketa.
- 11:30. XIV. Tortilla lehiaketa (bertan egingo dira tortillak. Osagaiak auzoak jarriko ditu; tresnak, sua eta gainontzekoak, norberak).
- 11:30. II. Etxeko tomate lehiaketa.
- 12:00. Toka txapelketa
- 14:00. Auzo bazkaria.
- 17:00. Haur jolasak.
- 18:00 Afrikako Mandeng dantza-saio irekia eta perkusioa zuzenean.
- 21:00. Afaria (janaria norberak eramanda).
- 22:00. Musika jaialdia: Sisklata, Mala Ruina eta Pixa. Ondoren, musika txosnan.
