Mende laurden tinta eta orratz artean
Hogeita bost urte bete ditu Naiz Tattopiercing dendak ateak zabaldu zituenetik. Naiara Otaño Naiz espazioaren arduradunak hainbat jarduera antolatu ditu urteurren biribila ospatzeko.
Txikientzako tatto festa. Mende laurdena bete du Naiz Tattopiercing espazioak ateak zabaldu zituenetik. Sobera ezaguna da saltokia bera, baita haren arima eta sortzailea den Naiara Otaño Makazaga ere. Tinta eta orratz artean 25 urte bete dituela-eta, hainbat jarduera antolatu ditu hilabetean zehar Otañok, herritarrekin batera ospatzeko. Piercingak, tatuajeak, eta mikropigmentazioa egiten ditu Otañok.
Lehen zita piercing festa izango da, hilaren 10etik 12ra. Piercingak prezio berezian, 30 euroan, egingo ditu Madalen kaleko 3 zenbakian kokatuta duen espazioan. Hilaren 14tik 16ra tatuaje txikien festa egingo du bere espazioan, tatuaje txiki bat 40 euroan, eta bi 60 euroan. Hilaren 22an, berriz, laser eguna antolatu du, eta bukatzeko, hilaren 25ean txikientzako tattoo festa antolatu du.
Piercinga, tatuajeak egin edota txikientzako tattoo festan parte hartu nahi dutenek 665 72 24 65 telefono zenbakira Whatsapp bidez edo instagramera mezua bidali behar dute.
