Veronica Espadas Gomez eta Ibai Maritxalar Urkia eskutik, Begiradak proiektuan
Mexiko eta Euskal Herria batuko ditu sortzaileen begietatik Atlantikaldiaren aurtengo Begiradak proiektuak.
Veronica Espadas Goez eta Ibai Maritxalar Urkia sortzaileak. Mexiko eta Euskal Herria elkarri begira jarriko ditu Begiradak proiektuak Atlantikaldiaren barruan. Veronica Espadas Gomez eta Ibai Maritxalar Urkia sortzaileek, mexikarra lehena eta oreretarra bigarrena, elkarlanean sortzen ariko dira.
Diziplina artistiko ezberdinetan ari dira Espadas eta Maritxalar, baina hainbat arlotan egiten dute bat: antzerkia eta zeramika dituzte besteak beste jardun artistikoaren parte, Espadasek dantza eta diseinua ditu ibilbidearen oinarri, eta Maritxalarrek, berriz, pintura eta koreografia.
Urteetan zehar eraikitako harremanetik abiatuko dute proiektua bi sortzaileek. Aurtengo Begiradak proiektuak, Apapacho izango du ardatz. Nahuatl hizkuntzako papatzoa hitzetik eratorritako hitza da, jatorrian hatzekin zerbait biguntzea esan nahi du, eta Mexikon maitasun keinua adierazteko erabiltzen da, arimarekin besarkatzea edo laztantzea esanahiarekin.
Hortik abiatuta, maitasuna, harremana, ezagutza, errespetua, begirada eta nortasuna izango dituzte hizpide, kulturartekotasunaz eta ezezagunarekiko beldurraz aritzeko, baina batez ere, erakutsi nahi dute sorkuntzak pertsonen eta kulturen artean zubiak eraikitzeko duen indarra.
Prozesuaren emaitza Atlantikaldiaren barruan aurkeztuko dute, proposamena herritarrekin partekatuz,
