Urdabururen proposamen berria: GR225-Ezkabako ihesa
Lau etapatan egingo dute San Kristobal gotorlekutik Urepelera doan GR225 ibilbidea, 1938ko maiatzean 795 iheslarietatik helmugara iritsi ziren hiru presoek egin zuten ustezko bidea eginda.
Ezkabako gotorlekua Proiektu berria du eskuartean Urdaburu Mendizale elkarteak, eta oraingoan mendizaletasuna eta memoria historikoa batuko ditu. Izan ere, GR225-Ezkabako ihesaren lehenengo etapa antolatu du hilaren 19rako. Hilabetean behin irteerak egiten hasi zenetik 1991. urtean, abiatu duen hogeita bosgarren proiektua da azken hau.
Lau etapatan egingo dute San Kristobal gotorlekutik Urepelera doan GR225 ibilbidea, 1938ko maiatzean 795 iheslarietatik helmugara iritsi ziren hiru presoek egin zuten ustezko bidea eginda. Berriosuson hasiko dute ibilaldia, eta Ezkabako gotorlekua, Garrues, Orrio eta Olaiz herriak pasata, Olaben bukatuko dute lehen etapa hori. Denera, 5 ordu eta erdikoa izango da.
Ibilbidearen xehetasunak kontsultatzeko, egin klik hemen.
Zumardiko autobus geltokitik 07:30ean abiatuko dira, 07:45 Aritzetatik. Izena eman behar da aurretik astearte eta ostegunetan 19:00etatik 21:00etara 943 52 78 79 telefono zenbakira deituta edo online galdetegia beteta (Egin klik hemen).
