Esnabideko babes ofizialeko 27 etxebizitzak esleitzeko zozketa egin dute
Joan den maiatzean Esnabideko babes ofizialeko etxebizitzak esleitzeko hasitako prozesua bukatu du sustatzaileak. Atzo egin zuten zozketa notario aurrean, Etxebiden izena emanda zeuden eta baldintzak betetzen zituzten pertsonen artean.
Esnabideko lanak.Herri bizia Joan den maiatzean Esnabideko babes ofizialeko etxebizitzak esleitzeko hasitako prozesua bukatu du sustatzaileak. Atzo egin zuten zozketa notario aurrean, Etxebiden izena emanda zeuden eta baldintzak betetzen zituzten pertsonen artean. Sustapenak 27 Babes Ofizialeko 27 etxebizitza barne hartzen ditu, erosketa erregimenean; etxebizitza gutziek garajea eta trastelekua dute eta 15k hiru logela dituzte, hamarrek bi logela, eta bi logelako bi etxebizitza egokitu daude.
Etxebizitzak eraikitzen ari dira gaur egun, eta eraikuntza enpresaren aurreikuspenaren arabera, obrak 2028aren hasieran bukatuko dituzte.
Esnabidek orotara 81 etxebizitza izango ditu, 27na etxebizitzako hiru eraikinetan banatuta: 2022an bukatutako 27 etxebizitza libreak, gaur egun eraikitzen ari diren ekimen probatuko 27 BOEak Babes Ofizialeko Etxebizitzak, eta Eusko Jaurlaritzak sustatuko dituen a,lokairu sozialera bideratutako beste 27 etxebizitza.
Alokairu sozialeko 27 etxebizitzakk udalak Eusko Jaurlaritzari 2022an doan lagatako udal lursail batean kokatuko dira, etxebizitza parke publikoa handitzeko erakundeen arteko lankidetzaren esparruan. Etxebizitza eta Hiri Agenda Sailak 2027an zehar etxebizitza horien eraikuntza hastea aurreikusi du udalak azaldu duenaren arbera.
Datozen urteetan Esnabiden aurreikusitako bizitegi garapena osatu ahal izatea espero du udalak sustapena abian jarrita: “Udaleko Etxebizitza Plana garatzen jarraitzen du udalak. Plana udalerria bizitegi merkatuaren eremu tentsionatuko udalerri izendatzearekin batera onartu zen, eta horren bidez etxebizitza berriak sustatu eta udalerrian etxebizitza eskuragarrien eskaintza handitzeko beharrezko baldintzak jarraitzen du”.
