Josetxo Etxandi, azken fasean
Gaur eta osteguna artean jokatuko dira herri mailako txapelketaren finalerdiak. Finalak santakrutzen azken egunean dira, igandean.
Iazko finaletako irudi bat. Josetxo Etxandiren Oroimenezko 50. Pilota Txapelketa azken fasean da. Atzo jokatu ziren maila afizionatuetako finalak Koldobike Gezala pilotalekuan, eta aste honetan zehar izango dira jokoan herri mailako finalerdiak.
Herri mailakoen finalerdietako lehiak gaur (asteartea) bihar eta etzi artean izango dira, eguraldi egokiarekin Josetxo Etxandi pilotalekuan, euria egingo balu Koldobike Gezala estalian. Antolaketa lanean aritu direnek HITZAri esan diote herri mailakoan, helduen kategorian, 37 bikotek eman dutela izena (emakumeen bost bikote izan dira lehian). Haur Mailan beste 11 bikote izan dira jokatzen, eta Gazte Mailan bost pilotari.
Bukatzear da herri mailakoa. Igandean izango dira finalak, Josetxo Etxandi pilotalekuan, 16:30ean hasita. Baina hara iristeko finalerdiak jokatu behar dituzte pilotariek. Honakoa da finalerdi horien zerrenda:
Gaur (hilak 15, asteartea)
- Gazte Mailako finalerdiak, 16:30ean hasita.
- Lehen finalerdia: Aldaba eta Almandoz neurtuko dira.
- Bigarren finalerdia: Etxarte eta Osa neurtuko dira.
Bihar (hilak 16, asteazkena)
- Helduen mailako finalerdiak, 18:00etan hasita.
- Emakumeen lehen finalerdia: Dorronsoro-Lozano eta Gaztelumendi-Araiz bikoteen artekoa.
- Gizonen lehen finalerdia: Maritxalar-Iñarra eta Mujika-Iñarra bikoteen artekoa.
Etzi (hilak 17, osteguna)
- Helduen mailako finalerdiak, 19:00etan hasita.
- Emakumeen bigarren finalerdia: Lobete-Lizarraga eta Legorburu-Aranburu bikoteen artekoa.
- Gizonen bigarren finalerdia: Perurena-Perurena eta Sarasua-Sarasua bikoteen artekoa.
