Udal ludotekek izen emateak ireki dituzte
Pasaiako hiru udal ludotekek urriaren 5ean hasiko dute 2026-2027 ikasturtea. Hilaren 27a da izena emateko azken eguna.
Antxoko, Donibaneko eta Trintxerpe-San Pedroko udal ludotekek prest dute 2026-2027 ikasturtea. Urriaren 5ean (astelehena) irekiko dituzte ateak. Izena emateko epea zabalik dago jada, hilaren 27ra arte.
Ludoteketako eskaintza 4 eta 12 urte arteko haurrei begirakoa da. “Udal ludotekak esparru paregabea dira, eskola orduetatik kanpo primeran pasatzeko, jolasaren bidez nortasuna garatzeko, euskaraz bizitzeko, sozializaziorako eta integraziorako”, esan du udalak.
Izen emateak ludoteketako egoitzetan egin behar dira. Parte hartzeko kuota 58,98 eurokoa da, baina familia errentaren arabera, hobariak daudela jakinarazi du udalak.
Ludoteken egoitzak zuzenean ikusi eta zerbitzua bertatik bertara ezagutzeko, familia interesdunak egoitzetara gertura daitezke astelehenetik ostiralera, 17.00etatik 19:30era bitartean. Horrez gain, telefonoz edo posta elektronikoz ere eska daiteke informazioa.
Informazio osagarria lortzeko, ludoteken kontaktuak ahalbidetu ditu udalak:
- Antxo: Eskalantegi 45, 943 24 85 14 eta posta elektronikoa.
- Donibane: J.J. Otaegi plaza, 943 34 43 28 eta posta elektronikoa.
- Trintxerpe-San Pedro: Espinosa de los Monteros z/g, 943 39 25 10 eta posta elektronikoa.
