Heavy metal indartsuena dakar bigarren Demons Fest jaialdiak
Tabu Demons elkarteak antolatuta Jero Ramiro, Basati eta Aeroescreamer taldeek joko dute Niessen kulturgunean; sarrera, doakoa.
Tolosako Basati musika taldea.Basati Heavy metal gogorrenarekin gozatzeko aukera eskainiko du Tabu Demons elkarteak larunbatean (hilak 26) bigarren Demons Fest jaialdiarekin. Sarrera doakoa izango da lekuak bete arte eta 20:00etan hasiko da kontzertua. Oholtza gainean Saratoga taldeko kide ohi Jerok, bere banda berriaren zuzeneko debuta egingo du Errenteria-Oreretako emanaldiarekin. Jero Ramiro talde madrildarrak atera berria duen bere lehen diskoa La cuna del mal lana aurkeztuko du Niessen aretoan.
Ez da talde hori bakarrik ariko; Tolosako Basati taldeak euskarazko heavy indartsua eta emanaldia zabalduko duen Aeroscreamer talde gasteiztarra ere oholtza gainean larunbatean.
Sarrera doakoa da, baina antolatzaileek galkorra ez den kilo bat elikagai eramateko eskatu diete bertaratuko direnei; bildutakoa, itsas salbemenduari bideratuko dio Tabu Demons elkarteak. Kontzertua bukatuta, Niessen aretotik gertu den Iratxo tabernan jarraituko dute festa.
