EAT Errenteriako Atletismo Eskolak hasi du ikasturte berria
Izena ematea zabalik dute elkarteak eskaintzen dituen talde eta modalitate guztietan.
Joan den astean abiatu zuen EAT Errenteriako atletismo Taldeak ikasturte berria.Errenteria Atletismo Taldea Hasi da lanean. EAT Errenteriako Atletismo Eskolak korrika egiteko zapatilak jantzi, eta hasi du ikasturte berria. joan den astean izan zen hori, eta aurkezpena ere egin zuten Mikel Odriozola estadioan; bertan egiten dituzte entrenamendu saioak maila eta modalitate ezberdinetako taldeek. Ikasturtea hasia bada ere, izena emateko aukera zabalik dagoela jakinarazi dute elkarteko arduradunek.
Eskaintzaren barruan, atletismo Eskola, zortzi urtetik gorako haurrei begira; 16 urtez azpiko gazteei begirako taldea —14 urtetik aurrera—; atletismo federatuko taldea; eta atletismo master taldea —35 urtetik gorakoei begirakoa—. Horietaz gain, lasterketa munduan hasi, egoera fisikoa hobetu, edota lasterketetarako prestatu nahi dutenei begira running taldea ere martxan du atletismo taldeak. Helduei begirako entrenamendu funtzional taldea ere martxan, indarra, mugikortasuna eta egoera fisikoa hobetu nahi dutenentzat. Bi talde hauetan plaza gutxi gelditzen direla jakinarazi du EATk.
Berrikuntza gisa, prestaketa fisikoarekin lotuta, Carfit taldea ere jarri du martxan Errenteriako atletismo taldeak, bereziki 14 urtetik gorako gazteei begira. Aire librean egiten dituzte entrenamenduak, indar ariketak, erresistentzia, eta potentzia lantzeko ariketak uztartzen ditu diziplinak.
Hori horrela, adin guztiei begirako eskaintza zabala aurten ere EATk: kirol hastapenetik hasi, atletismo federaturaino, runninga, atletismo masterra, eta prestaketa fisikoa barne. Ikasturte berria, ilusio handiarekin, kirola egiteko eta ikasteko gogoarekin, eta batez ere giro paregabearekin hasi dutela jarri dute nabarmen arduradunek.
Imnformazio gehiagorako eta izena emateko taldearen posta elektronikora mezua bidali behar da (klik hemen).
