Proiektu berriak eta auzoetako lokalak eskutik
Nire ideiak ba al du aukerarik auzoko lokal batean bizia hartzeko? tailerra egingo dute hilaren 29an Agustinak Zentroan.
Nire ideiak ba al du aukerarik auzoko lokal batean bizia hartzeko? tailerra egingo dute hilaren 29an Agustinak Zentroan. Bertan, auzoko lokal batean proiektua martxan jartzeko lehen urratsak azalduko dituzte: “Proiektuaren bideragarritasuna baloratzeko, ingurunearen beharrak identifikatzeko, eta auzoko lokal bat martxan jartzeko gakoak ezagutzeko aukera emango du ikastaroak”.
Hiru orduko saioa izango da, negozio ideia bat duten edo beren auzoan jarduera bat martxan jartzea aztertzen ari diren pertsonei zuzendua. 09:30etik 12:30era izango da Agustinak Zentroan, eta formatu praktiko eta parte hartzailea izango du. ez da aldez aurretik ezagutzarik beharko. Ekintzailetza aztertzen ari diren eta beren proiektua martxan jarri nahi duten migranteak ere badira hartzaileak.
Negozio ideia bera eta espazio fisiko batekin duen lotura, bezero potentzialak ezagutzeko modua, proiektuaren bideragarritasun ekonomikoaren balorazioa, alokairua formalizatu aurretik eman beharreko lehen urratsak berrikusiko dituzte. Kooperatiba eredua ere tailerrean aztertuko duten gaietako bat izango da.
Tailerrean parte hartu nahi duten pertsonek, galdetegia bete behar dute (klik hemen).
