Baserritar jantziek egingo diete harrera Jantziaren Zentroaren bisitariei urtea bukatu arte
Beheko solairuan daude ikusgai baserritar jantziak, hamabost denera; guztiak XIX. mendeko jantzien erreplikak dira.
Baserritarrak erakusketa, jantziaren Zentroan.Jantziaren Zentroa Kapitain Etxeko behe soliarua hartu dute baserritar jantziek. aurrerantzean eta urtea bukatu arte, XIX. mendeko hamabost baserritar jantziren erreplikak hartuko ditu bisitariak. Jatorrizkoetatik patroiak aterata josita, eta garaiko argazki zaharrak oinarri hartuta egin dituzte erreplikak.
Gehien-gehienak, hamahiru, emakumeen jantziak dira Bizkaikoak gehientsuenak, Zuberoako bat eta Gipuzkoako hiru, “horietako bi Legazpikoak dira”. Manikiak oinarri birakarien gainean jarri dituzte, zazpi jantzien atzeko aldeak ere ikusi ahal izateko.
Beste bi jantziak, gizonenak dira: b i jantzi eta bi brusa Gipuzkoako (Eskoriatza) bat eta Arabako (Aramaio) beste bat. jantziekin batera hainbat kartelekin lagundu dute erakusketa, baserritarrek janzten zituzten piezen deskripzioarekin; XX. mende hasierako baserritarren argazkiak ere jarri dituzte.
Hitzaldia
Azaroan baserritar jantzia nolakoa zen ezagutzeko hitzaldi berezia eskainiko da Jantziaren Zentroan. Jantziaren zati bakoitza azaldu ahala jantzi egingo dute zentroko arduradunek, barrutik nola egina dagoen, nola lotzen den, buruko zapia nola janzten den ikusi eta ikasteko.
Azaroaren 14an euskaraz egingo dute hitzaldia, eta azaroaren 21ean, gaztelaniaz; biak 17:00etan hasita. Ordu bete iraungo dute eta sarrerak 7 euro balioko ditu. Parte hartzeko aurrez izena eman behar da (klik hemen), edo 943 49 45 21 telefono zenbakira deitu behar da.
Erakusketak iraun bitartean, gainera, Baserritar jantzia. Herri langile baten aztarna liburuxka salgai izango da 3,5 euroan. Baserritarrak erakusketa berriz, doan ikus daiteke bihar larunbatetik urtarrileren 3ra arte, larunbatetan 11:00etatik 14:00etara eta 17:00etatik 20:00etara, eta igande eta jai egunetan 11:00etatik 14:00etara.
